nola egin? >>

Aurtengoa zortzigarren aldia da kanpaina martxan paratuko duguna. Asko izan dira herri mugimenduaren aldetik euskararen alde egin diren lanak eta gutxi Nafar Gobernuari dagokion guztitik egin dena. Administrazioak berriki sortu den ENAIri bideratuko dio Errenta aitorpenaren kanpainak emanen duenaren zati bat. Baina begi-bistakoa da oraindaino ENAIren eta Nafar Gobernuaren asmoa bestelakoa dela, hots, euskara Administrazio Publikotik eta oro har Nafarroako paisaiatik ezabatzea, euskarari berari legitimitate soziala kentzea alegia.

Beraz, aurreko urteen moduan, aurten ere Euskarari, zor zaiona kanpaina bultzatzea ezinbestekotzat jotzen dugu, arrazoi hauek direla eta:

• Nafarroako Gobernua bultzatzen ari den euskararen aurkako hizkuntza politika gaitzetsi, gure desadostasuna adierazi eta Nafarroako jendarteari zor zaizkion hizkuntza eskubideak aitortzeko premia aldarrikatu.

• UPNri aitzinera daraman hizkuntza politika, euskarari egindako erasoetan oinarrituta, errotik alda dezala eta normalkuntzaren aldeko hautua egin dezala exijitzen diogulako.

• Gobernuak euskarari kentzen diona itzuli: ordaintzen dugun zergen zati bat euskararen normalkuntzaren alde dauden ekimenak bideratu. Horren adibide ditugu azken urteetako Euskarari, zor zaiona kanpainatik finantzatutako ekinbideak: UEU, Euskalerria Irratia. Jardunaldi honetarako berriz ere euskaltegietan euskara ikasten ari diren helduendako bekak paratuko ditugu martxan alde batetik. Bestetik Euskal Unibertsitatearen sorreran lagunduko dugu, unibertsitate horrek Nafarroan egoitza bat izan dezan babesteko.

Euskara aurrera aterako dugu guztion lanari eta aportazioari esker. Lagun eta bidera iezaiozu zure zergen zati bat asmo honi.

nola egin? >>